සැමියෙකුගේ දස සිල්

දිරි ඇති කලට අගනුන්ගෙන් අඩු නැතුව

සරි කල දිවි මගක් ගතවිය සවි ඇතුව
හරි හැටි හදුනගෙන කිසි අඩුවක් නැතුව
සරි ලන බිරිද හිමිවිය මට මා පැතුව

කලක් ඇවෑමෙන් අප හට තුති දෙමින
දු වරු දෙපලකුත් පුතකුත් ඇත හිමින
උගත් කමත් යහපත් ගතිගුණ දෙමින
ඔවුන් වැඩුනේ අප දෙදෙනා බෝ පෙමින

දරු තිදෙනාගෙ විවාහයන් හිතු ලෙසට
බොහෝ ජයට කරවිය අප පැතු ලෙසට
එවන් සතුටු සාගරයක උන් මහට
බිරිදගේ වියෝවෙන් වැටුනේ සිත දුකට

ඇගේ වියෝවෙන් සසරම කල කිරුණි
මගේ සියළු යුතුකම් නොඅඩුව කෙරුණි
මෙලොවට වඩා නිවනට මගේ සිත හැරුණි
දස සිල් රකින්නට සසුනට සිත යෙදුනි

Shelma Jenifer