ප්‍රේම ආරාධනාව

සංගීත සාරිය
අඳින
ස්වර ප්‍රශ්තාර මාල වළලු
පලඳින
උස කෙට්ටු
අලුත් සංගීත මිස්
සත්සරා
ඉස්කෝලෙට අලුත් ස්වරය සත්සරා !
ස්වර හත තුළ
හිඳියි සත්සරා
සංගීතය පතුලේ
පෙනෙයි සත්සරා
වීණාවෙ තත් අතර
හුස්මගයි සත්සරා
තනුවක් වගෙයි
සත්සරා !

ප්‍රේමෙට හදපු ඉස්කෝලේ
ඔබයි පාසල් ගීතේ.
අලුත් පත්වීමෙන්
ඉර අව්ව වහගෙන
මුඩුබිමේ
සංධ්වනි පැලකරන
සත්සරා.
පැලවලට
සංගීත වතුර දාන
සත්සරා.

සත්සරා සත්සරා

සත්සරා
මං උපගුරු ධර්මසේන
අධර්මයට කට්ටිපනින

කුරුටු ගාන්නෙක් වෙම්
සංගීතයේ පතුලටම
ප්‍රේම කරනෙම්
පෙම්කවි නොලීවෙම්
දුටු දුකම ලීවෙම්
(එහෙයින් කොන්වුණෙම්)
පෙම්ගසින් ඇදවැටී
ශ්‍රැතිය අහිමිව තවම හොයනෙම්
මම ඔබට ආලයෙම්

මල්සරා හිනැහුණා
සත්සරා
බිම බලාගෙන ගොළුවුණා

සත්සරා
ප්‍රේමයට සංගීතය වෙන්න
මල්ගහට
මුදුන් මුල වෙන්න
සඳ රැගෙන
පායන්න !


Samitha B. Atuwabendela